КЫРГЫЗ РЕСПУБЛИКАСЫНЫН МЫЙЗАМЫ

2019-жылдын 30-июлу № 107

Жерди пайдалануу маселелери боюнча айрым мыйзам актыларына өзгөртүүлөрдү киргизүү жөнүндө

1-берене.

"Электр жана почта байланышы жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Ведомосттору, 1998-ж., № 8, 230а-ст.) төмөнкүдөй өзгөртүү киргизилсин:

2-статья төмөнкүдөй мазмундагы абзац менен толукталсын:

"Байланыш курулмалары - жеңил конструкциядагы (капиталдык эмес) объекттер катары байланыш каражаттарын жана тутумдарын жайгаштыруу үчүн түзүлгөн же ылайыкталган электр байланыш операторунун инженердик инфраструктурасынын объекттери (анын ичинде, чектелбестен, базалык станциялар, антенна-мачталык курулмалар, антенна-фидердик түзүлүштөр, байланыштын линиялык-кабелдик курулмалары).".

2-берене.

Кыргыз Республикасынын Жер кодексине (Кыргыз Республикасынын Жогорку Кеңешинин Ведомосттору, 1999-ж., № 9, 440-ст.) төмөнкүдөй өзгөртүүлөр киргизилсин:

1) 12-статьянын 3-пункту "куруу үчүн" деген сөздөрдөн кийин ", ошондой эле байланыш курулмаларын куруу же орнотуу үчүн электр байланыш операторуна" деген сөздөр менен толукталсын;

2) 28-2-статьяда:

а) 1-пункт "кошумча объекттерди" деген сөздөрдөн кийин ", анын ичинде жеңил конструкциядагы (капиталдык эмес) байланыш курулмаларын" деген сөздөр менен толукталсын;

б) статья төмөнкүдөй мазмундагы 3-пункт менен толукталсын:

"3. Ушул статьянын 2-пунктунун 1 жана 2-пунктчаларынын талаптары жеңил конструкциядагы (капиталдык эмес) байланыш курулмаларын орнотуу үчүн өлчөмү 20 м² ашпаган жер участокторун берүү учурларына жайылтылбайт.";

3) 35-статьянын 3-пункту төмөнкүдөй мазмундагы экинчи абзац менен толукталсын:

"Жеңил конструкциядагы (капиталдык эмес) байланыш курулмаларын орнотуу үчүн жер участогунун бөлүгүн, ушул бөлүктү өз алдынча жер участогуна бөлбөстөн, менчик ээсинин же жерди пайдалануучунун убактылуу пайдаланууга беришине жол берилет.";

4) 77-статьяда:

а) 6-пункттун экинчи сүйлөмү "жайларды уюштуруу үчүн" деген сөздөрдөн кийин ", ошондой эле жеңил конструкциядагы (капиталдык эмес) байланыш курулмаларын санитардык талаптарды сактоо менен орнотуу үчүн" деген сөздөр менен толукталсын;

б) 7-пункт "күркөлөрдү," деген сөздөн кийин "санитардык талаптарды сактоо менен жеңил конструкциядагы (капиталдык эмес) базалык станцияларды," деген сөздөр менен толукталсын;

5) 87-статья төмөнкүдөй мазмундагы экинчи абзац менен толукталсын:

"Жеңил конструкциядагы (капиталдык эмес) байланыш курулмаларын орнотуу үчүн жер участокторун берүүгө жол берилет.";

6) 90-статьянын 1-пункту төмөнкүдөй мазмундагы экинчи абзац менен толукталсын:

"Санитардык талаптарды сактоо менен жеңил конструкциядагы (капиталдык эмес) байланыш курулмаларын орнотуу үчүн өлчөмү 20 м² ашпаган жер участокторун пайдаланууга жол берилет.";

7) 92-статья "боюнча объекттерди" деген сөздөрдөн кийин ", жеңил конструкциядагы (капиталдык эмес) байланыш курулмаларын" деген сөздөр менен толукталсын.

3-берене.

Кыргыз Республикасынын Суу кодексине (Кыргыз Республикасынын Жогорку Кеңешинин Жарчысы, 2005-ж., № 4, 241-ст.) төмөнкүдөй өзгөртүүлөр киргизилсин:

85-статьянын 1-пунктунда:

а) "жайгаштыруу үчүн" деген сөздөрдөн кийин ", жеңил конструкциядагы (капиталдык эмес) байланыш курулмаларын орнотуу үчүн" деген сөздөр менен толукталсын;

б) пункт төмөнкүдөй мазмундагы экинчи абзац менен толукталсын:

"Аянтынын өлчөмү 20 м² ашпаган суу фондусунун жерлеринен пайдаланууга жеңил конструкциядагы (капиталдык эмес) байланыш курулмаларын орнотуу үчүн жол берилет.".

4-берене.

Кыргыз Республикасынын Токой кодексине (Кыргыз Республикасынын Жогорку Кеңешинин Жарчысы, 1999-ж. № 12, 534-ст.) төмөнкүдөй өзгөртүү киргизилсин:

48-берененин 1-бөлүгү төмөнкүдөй мазмундагы алтынчы абзац менен толукталсын:

"- жеңил конструкциядагы (капиталдык эмес) байланыш курулмаларын орнотуу;".

5-берене.

"Жайыттар жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2009-ж., № 1, 30-ст.) төмөнкүдөй өзгөртүү киргизилсин:

2-берененин он үчүнчү абзацында "кендерди казып алуу," деген сөздөрдөн кийин "жеңил конструкциядагы (капиталдык эмес) байланыш курулмаларын орнотуу," деген сөздөр менен толукталсын.

6-берене.

"Жер участокторун которуу (трансформациялоо) жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2013-ж., № 7, 902-ст.) төмөнкүдөй өзгөртүү киргизилсин:

3-берененин 2-бөлүгүнүн экинчи абзацындагы "Жерлерди" деген сөз "Жеңил конструкциядагы (капиталдык эмес) байланыш курулмаларын куруу же орнотуу үчүн өлчөмү 20 м² ашпаган чектерде жер участокторун электр байланыш операторлоруна берүү учурларын кошпогондо, жерлерди" деген сөздөр менен алмаштырылсын.

7-берене.

Ушул Мыйзам расмий жарыяланган күндөн тартып он беш күн өткөндөн кийин күчүнө кирет.

Кыргыз Республикасынын Өкмөтү алты айлык мөөнөттө өзүнүн ченемдик укуктук актыларын ушул Мыйзамга ылайык келтирсин.