Система Orphus
RTF Print OpenData
Документ Маалым дарек Шилтеме документтер
Редакция:      кыргызча  |  на русском

Описание: C:\Users\User\AppData\Local\Temp\CdbDocEditor\2558a798-4ec5-4a60-8de7-0be844910836\document.files\image001.jpg

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2019-жылдын 18-сентябры № 485

Кыргыз Республикасынын Ысык-Көл облусунун Тоӊ районунун Күн-Чыгыш айыл аймагында жайгашкан жерлерди «Айыл чарба багытындагы жерлер» категориясынан «Калктуу конуштардын жерлери» категориясына которуу жөнүндө

 

Ысык-Көл облусунун Тоӊ районунун Күн-Чыгыш айыл аймагынын тургундарынын социалдык муктаждыктарын чечүү максатында, Кыргыз Республикасынын Жер кодексинин 20-беренесине, «Жер участокторун которуу (транформациялоо) жөнүндө» Кыргыз Республикасынын Мыйзамынын 6-беренесине, «Сугат айдоо жерлерин жарактуу жерлердин башка категорияларына жана түрлөрүнө которууга (трансформациялоого) мораторий киргизүү жөнүндө» Кыргыз Республикасынын Мыйзамынын 1-беренесинин 2-бөлүгүнүн 12-пунктуна, ошондой эле Кыргыз Республикасынын Өкмөтүнүн 2018 – жылдын 31 – октябрындагы № 512 токтомуна ылайык, Кыргыз Республикасынын Өкмөтүнүн Ысык-Көл облусундагы ыйгарым укуктуу өкүлүнүн аппаратынын 2019-жылдын 30-майындагы № 3/7-1632 корутундусун, Ысык-Көл облусунун Тоӊ районунун мамлекеттик администрациясынын 2019-жылдын 22-майындагы № 44 чечимин эске алуу менен, «Кыргыз Республикасынын Өкмөтү жөнүндө» Кыргыз Республикасынын конститциялык Мыйзамынын 10 жана 17-беренелерине ылайык, Кыргыз Республикасынын Өкмөтү

ТОКТОМ КЫЛАТ:

1. Ысык-Көл облусунун Тоӊ районунун Күн-Чыгыш айыл аймагында жайгашкан 102,0 га сугат айдоо жерлери, анын ичинен, № 324 контурундагы 26,0 га жана № 358 контурундагы 76,0 га жерлер калктуу конуштун аймагын кеӊейтүү максатында «Айыл чарба багытындагы жерлер» категориясынан «Калктуу конуштардын жерлери» категориясына которулсун.

2. Ысык-Көл облусунун Тоӊ районунун мамлекеттик администрациясы төмөнкүлөрдү камсыздасын:

- жерди эсепке алуу документтерине тийиштүү өзгөртүүлөрдү киргизүүнү;

- ушул токтомдун 1-пунктунда көрсөтүлгөн жерлердин шаар куруу документтерин Кыргыз Республикасынын мыйзамдарына ылайык иштеп чыгууну жана бекитүүнү;

- ушул токтомдун 1-пунктунда көрсөтүлгөн жерлерди максаттуу багыты боюнча пайдаланууну.

3. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын агроөнөр жай комплекси жана экология бөлүмүнө жүктөлсүн.

4. Ушул токтом расмий жарыяланган күндөн тартып он беш күн өткөндөн кийин күчүнө кирет.

 

Премьер-министри

М.Д. Абылгазиев