КЫРГЫЗ РЕСПУБЛИКАСЫНЫН МЫЙЗАМЫ

2010-жылдын 18-январы № 3

Кыргыз Республикасынын Салык кодексине өзгөртүү киргизүү жөнүндө

1-берене.

Кыргыз Республикасынын Салык кодексине (Кыргыз Республикасынын Жогорку Кеңешинин Жарчысы, 2008-ж., № 8, 922-ст.) төмөнкүдөй өзгөртүү киргизилсин:

167-берененин 35-пункту төмөнкүдөй редакцияда баяндалсын:

"35) Кыргыз Республикасынын Ички иштер министрлигинин, Улуттук коопсуздук мамлекеттик кызматынын, Коргоо министрлигинин, Мамлекеттик күзөт кызматынын, Мамлекеттик чек ара кызматынын, жазык-аткаруу системасынын мекемелеринин жана органдарынын, өрткө каршы кызматынын, жарандык коргонуу аскерлеринин кызматчыларынын азык-түлүк паегунун ордуна акчалай үлүш жана компенсациялар түрүндөгү кирешелери;".

2-берене.

Кыргыз Республикасынын Өкмөтү өзүнүн ченемдик укуктук актыларын ушул Мыйзамга ылайык келтирсин.

3-берене.

Ушул Мыйзам 2009-жылдын 1-январынан тартып күчүнө кирет.