Система Orphus
RTF Print OpenData
Документ Маалым дарек Шилтеме документтер
Редакция:      кыргызча  |  на русском

КЫРГЫЗ РЕСПУБЛИКАСЫНЫН МЫЙЗАМЫ

2009-жылдын 12-октябры № 265

"Чарбалык шериктештиктер жана коомдор жөнүндө" Кыргыз Республикасынын Мыйзамына өзгөртүүлөр киргизүү тууралу

 

1-берене.

"Чарбалык шериктештиктер жана коомдор жөнүндө" Кыргыз Республикасынын 1996-жылдын 15-ноябрындагы № 60 Мыйзамына төмөнкүдөй өзгөртүүлөр киргизилсин:

1. Бүткүл текст боюнча ар түрдүү жөндөмөдөгү "мамлекеттик реестр", "юридикалык жактардын мамлекеттик реестри" деген сөздөр тиешелүү жөндөмөдө "юридикалык жактардын, филиалдардын (өкүлчүлүктөрдүн) бирдиктүү мамлекеттик реестри" деген сөздөр менен алмаштырылсын.

2. 4-статьянын 13-пунктунун биринчи абзацындагы экинчи сүйлөм алып салынсын.

3. 9-статьяда:

8-пункт күчүн жоготту деп табылсын;

9-пункт төмөнкүдөй редакцияда баяндалсын:

"9. Каттоочу орган тиешелүү буйрук кабыл алган учурдан тартып жоюу аяктады, ал эми чарбалык шериктештик же коом - өзүнүн ишин токтотту деп эсептелет.".

4. 42-статьяда "юридикалык жактарды мамлекеттик каттоодон өткөрүүчү органдардагы" деген сөздөр алып салынсын.

 

2-берене.

Ушул Мыйзам расмий жарыяланган учурдан тартып 10 күн өткөндөн кийин күчүнө кирет.

 

Кыргыз Республикасынын

Президенти

 

К.Бакиев