КЫРГЫЗ РЕСПУБЛИКАСЫНЫН МЫЙЗАМЫ

2012-жылдын 13-апрели № 35

"Юридикалык жактарды, филиалдарды (өкүлчүлүктөрдү) мамлекеттик каттоо жөнүндө"
Кыргыз Республикасынын Мыйзамына өзгөртүүлөрдү жана толуктоо киргизүү тууралуу

1-берене.

"Юридикалык жактарды, филиалдарды (өкүлчүлүктөрдү) мамлекеттик каттоо жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2009-ж., № 2, 130-ст.) төмөнкүдөй өзгөртүүлөр жана толуктоо киргизилсин:

11-беренеде:

1-бөлүгүндө:

- биринчи абзацта "4- жана 4-1-бөлүктөрүндө" деген сөздөр "4 4-2-бөлүктөрүндө" деген сөздөргө алмаштырылсын;

- экинчи абзацта "каттоочу орган" деген сөздөр "Кыргыз Республикасынын Өкмөтү" деген сөздөргө алмаштырылсын;

3-бөлүктүн экинчи абзацында "4- жана 4-1-бөлүгүндө" деген сөздөр "4 - 4-2-бөлүктөрүндө" деген сөздөргө алмаштырылсын;

берене төмөнкүдөй мазмундагы 4-2-бөлүк менен толукталсын:

"4-2. Мамлекеттик органдарды жана жергиликтүү өз алдынча башкаруу органдарын мамлекеттик каттоодо арыз берүүчү каттоочу органга төмөнкү документтерди берет:

- Кыргыз Республикасынын Өкмөтү тарабынан бекитилген форма боюнча каттоо арызын;

- анын негизинде мамлекеттик орган же жергиликтүү өз алдынча башкаруу органы түзүлгөн укуктук актыны;

- эки нускада мамлекеттик орган же жергиликтүү өз алдынча башкаруу органы жөнүндө жобону (уставды);

- жетекчисин дайындоо же шайлоо жөнүндө укуктук актыны.".

2-берене.

Кыргыз Республикасынын Өкмөтү өзүнүн чечимдерин үч айлык мөөнөттө ушул Мыйзамга ылайык келтирсин.

Ушул Мыйзам расмий жарыяланган күндөн тартып 30 календардык күн өткөндөн кийин күчүнө кирет.