КЫРГЫЗ РЕСПУБЛИКАСЫНЫН КОНСТИТУЦИЯЛЫК МЫЙЗАМЫ

2013-жылдын 19-июлу № 150

"Кыргыз Республикасынын Өкмөтү жөнүндө"

Кыргыз Республикасынын конституциялык Мыйзамына толуктоо жана өзгөртүү киргизүү тууралуу

1-берене.

"Кыргыз Республикасынын Өкмөтү жөнүндө" Кыргыз Республикасынын конституциялык Мыйзамына (Кыргыз Республикасынын Жогорку Кеңешинин Жарчысы, 2012-ж., № 6, 2396-ст.) төмөнкүдөй толуктоо жана өзгөртүү киргизилсин:

1. 31-берененин 1-бөлүгүнүн экинчи абзацы "министрлерден, мамлекеттик комитеттердин төрагаларынан, администрациялык ведомстволордун жетекчилеринен, башка мамлекеттик органдардын жетекчилеринен же болбосо алардын биринчи орун басарларынан, статс-катчыларынан, орун басарларынан, ошондой эле Өкмөттүн Жогорку Кеңештеги туруктуу өкүлүнөн" деген сөздөр менен толукталсын.

2. 32-берененин 5-бөлүгүндө "Жогорку Кеңештин, парламенттик көпчүлүк фракцияларынын коалициясынын, депутаттык фракциялардын, комитеттердин жана комиссиялардын жыйналыштарында карамагындагы маселелерди кароодо Өкмөттүн атынан чыгат," деген сөздөр алып салынсын.

2-берене.

Ушул конституциялык Мыйзам расмий жарыяланган күндөн тартып күчүнө кирет.

3-берене.

Кыргыз Республикасынын Өкмөтү өзүнүн чечимдерин ушул конституциялык Мыйзамга ылайык келтирсин.