Кыргыз Республикасынын
2012-жылдын 18-июнундагы № 85 конституциялык Мыйзамына ылайык
КҮЧҮН ЖОГОТТУ

КЫРГЫЗ РЕСПУБЛИКАСЫНЫН МЫЙЗАМЫ  

2009-жылдын 11-майы № 153

"Кыргыз Республикасынын Өкмөтү жөнүндө" Кыргыз Республикасынын
 конституциялык Мыйзамына өзгөртүүлөр жана толуктоо киргизүү тууралуу

1-берене.

"Кыргыз Республикасынын Өкмөтү жөнүндө" Кыргыз Республикасынын конституциялык Мыйзамына (Кыргыз Республикасынын Жогорку Кеңешинин Жарчысы, 2005-ж., № 12. 1009-ст.) төмөнкүдөй өзгөртүүлөр жана толуктоо киргизилсин:

1. 5-статьянын 3-пунктунун биринчи абзацы төмөнкүдөй редакцияда баяндалсын:

"3. Премьер-министр депутат боло албайт, мамлекеттик, муниципалдык кызматта башка кызмат орундарын ээлей албайт; эгерде Кыргыз Республикасынын мыйзамдары менен башкача каралбаса, мамлекеттик, муниципалдык, коомдук жана жеке уюмдардагы, мекемелердеги жана ишканалардагы кызматтарда кызмат ордун ээлей албайт.".

2. 9-статьянын 4-пунктунун үчүнчү абзацындагы "4-бөлүгүндө" деген сөздөр "4-пунктунда" деген сөздөр менен алмаштырылсын.

3. 18-статьянын 1-бөлүгүнүн 4-пунктчасы "жеке өзү ишкердик иш жүргүзүүгө" деген сөздөрдөн кийин "Кыргыз Республикасынын мыйзамдары менен башкача каралбаса," деген сөздөр менен толукталсын.

2-берене.

Кыргыз Республикасынын Өкмөтү өзүнүн чечимдерин ушул Мыйзамга ылайык келтирсин.

3-берене.

Ушул Мыйзам расмий жарыяланган күндөн тартып күчүнө кирет.