Система Orphus
RTF Print OpenData
Документ Маалым дарек Шилтеме документтер
Редакция:      кыргызча  |  на русском

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

 

2011-жылдын 20-апрели №179

Нотариалдык иш жүргүзүү маселелери жөнүндө

 

Кыргыз Республикасынын "Нотариат жөнүндө", "Кыргыз Республикасынын ченемдик укуктук актылары жөнүндө" мыйзамдарын аткаруу үчүн, нотариалдык иш жүргүзүүнү мындан ары өркүндөтүү максатында Кыргыз Республикасынын Өкмөтү токтом кылат:

1. Тиркелгендер бекитилсин:

- Кыргыз Республикасынын нотариустары тарабынан нотариалдык иш аракеттерди аткаруунун тартиби жөнүндө нускама;

- Кыргыз Республикасынын мамлекеттик жана жеке нотариустары тарабынан иш кагаздарынын жүргүзүлүшү боюнча нускама;

- Эркиндигинен ажыратуу же камакта кармоо жерлеринин жетекчилери тарабынан керээздерди жана ишеним каттарды күбөлөндүрүүнүн тартиби жөнүндө нускама;

- Чалгындоо жана ушул сыяктуу башка экспедициялардын жетекчилери тарабынан керээздерди күбөлөндүрүүнүн тартиби жөнүндө нускама;

- Дарылоо мекемелеринде, госпиталдарда жана улгайгандар жана майыптар үйлөрүндө мурастарды жана ишеним каттарды күбөлөндүрүүнүн тартиби жөнүндө нускама;

- Аскердик бөлүктөрдүн, бирикмелердин, мекемелердин жана аскердик-окуу жайларынын командирлери (жетекчилери) тарабынан мурастарды жана ишеним каттарды күбөлөндүрүүнүн тартиби жөнүндө нускама.

2. Кыргыз Республикасынын Юстиция министрлиги өз чечимдерин аталган токтомго ылайык келтирсин.

3. Бул токтом 2011-жылдын 1-январынан тартып күчүнө кирет.

4. Бул токтом жалпыга маалымдоо каражаттарында жарыялансын.

 

Премьер-министри

А.Атамбаев