КР Өкмөтүнүн 2014-жылдын 26-июнундагы № 354 "Аралыктан билим берүү технологиясын колдонууну жөнгө салуучу ченемдик укуктук актыларды бекитүү жөнүндө" токтому

Редакция: кыргызча | на русском

$Описание: Описание: Описание: Описание: Описание: Описание: Описание: Описание: Описание: Описание: Описание: C:\Users\User\AppData\Local\Temp\CdbDocEditor\dba52291-85d1-4162-990b-12516d7dba8b\document.files\image001.jpg$

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2014-жылдын 26-июну № 354

Аралыктан билим берүү технологиясын колдонууну жөнгө салуучу ченемдик укуктук актыларды бекитүү жөнүндө

(КР Өкмөтүнүн 2018-жылдын 11-апрелиндеги № 197, 2018-жылдын 11-июнундагы № 279, 2019-жылдын 24-октябрындагы № 572, 2020-жылдын 20-майындагы № 262 токтомдорунун редакцияларына ылайык)

Кыргыз Республикасынын билим берүү тутумунда аралыктан билим берүү технологияларын өнүктүрүү жана киргизүү үчүн шарттарды түзүү максатында, “Билим берүү жөнүндө” Кыргыз Республикасынын Мыйзамынын 14-беренесине ылайык, “Кыргыз Республикасынын Өкмөтү жөнүндө” Кыргыз Республикасынын конституциялык Мыйзамынын 10 жана 17-беренелерин жетекчиликке алып Кыргыз Республикасынын Өкмөтү

ТОКТОМ КЫЛАТ:

1. Төмөнкүлөр бекитилсин:

- Билим берүү программаларын ишке ашырууда аралыктан билим берүү технологияларын колдонуунун тартиби 1-тиркемеге ылайык;

- Күндүзгү-сырттан (кечки), сырттан окуу түрүндө жана экстернат түрүндө алууга жол берилбеген кесиптердин жана адистиктердин тизмеги 2-тиркемеге ылайык.

2. Бул токтом расмий жарыяланган күндөн тартып күчүнө кирет.

Премьер-министр

Дж.К. Оторбаев

Кыргыз Республикасынын Өкмөтүнүн
2014-жылдын 26-июнундагы
№ 354 токтомуна
1-тиркеме

Билим берүү программаларын ишке ашырууда аралыктан билим берүү технологияларын колдонуунун
ТАРТИБИ

(КР Өкмөтүнүн 2019-жылдын 24-октябрындагы № 572, 2020-жылдын 20-майындагы № 262 токтомдорунун редакцияларына ылайык)

1. Бул Билим берүү программаларын ишке ашырууда аралыктан билим берүү технологиясын колдонуунун тартиби (мындан ары - Тартип) "Билим берүү жөнүндө" Кыргыз Республикасынын Мыйзамына ылайык иштелип чыкты жана жогорку, орто жана кошумча билим берүүнүн кесиптик билим берүү программаларын (мындан ары - билим берүү программалары) ишке ашырууда аралыктан билим берүү технологияларын (мындан ары - аралыктан окутуу) колдонуунун тартибин аныктайт.

2. Аралыктан окутуу билим берүү технологияларынын жыйындысын колдонуу менен камсыз кылынат, мында окугандар менен окутуучунун максаттуу кыйыр же толук эмес кыйыр өз ара байланышы алардын турган жерине карабастан педагогикалык жактан уюштурулган маалыматтык технологиялардын негизинде, баарыдан мурда телекоммуникациялык технологиялар каражаттарын пайдалануу менен жүзөгө ашырылат.

Ден соолугунун мүмкүнчүлүктөрү чектелүү адамдардын кесиптик билим алуу мүмкүнчүлүгүн камсыз кылуу үчүн аралыктан окутуу колдонулат.

(КР Өкмөтүнүн 2019-жылдын 24-октябрындагы № 572 токтомунун редакциясына ылайык)

3. Аралыктан билим берүү технологияларынын негизги түрлөрү болуп төмөнкүлөр эсептелет:

- кейс технологиясы, ал маалымат алып жүрүүчүлөрдүн ар кандай түрлөрүн пайдалануу менен өз алдынча үйрөнүүгө (кейстерди) арналган окуу-методикалык комплекстердин адистештирилген топтому түрүндөгү маалыматтык билим берүү ресурстарын окугандарга берүүгө негизделет. Окугандарга материалдарды жеткирүү окуу процессин уюштуруу үчүн ар кандай алгылыктуу ыкмалар менен ишке ашырылат;

- интернет-технология, ал окугандардын маалыматтык билим берүү ресурстарына жетүүсүн камсыз кылуу жана анын субъекттеринин турган жерине көз карандысыз окуу процессин ишке ашыруу жана башкаруунун методикалык, уюштуруу, техникалык жана программалык каражаттарынын жыйындысын түзүү үчүн камсыздоо боюнча глобалдык жана локалдык компьютердик тарамдарды пайдаланууга негизделет;

- телекоммуникациялык технология, ал окугандардын окутуучу менен өз ара байланышын, өздөрүнүн бири-бири менен байланышын жана санариптик китепкана, видеодарстар жана окутуунун башка каражаттары түрүндө берилген маалыматтык билим берүү ресурстарына окугандардын жетүүсүн камсыз кылуу үчүн маалыматты берүүнүн жана телекөрсөтүүнүн көбүнчө космостук жана спутниктик каражаттарын, ошондой эле глобалдык жана локалдык тармактарды пайдаланууга негизделет.

Билим берүү программаларын ишке ашырууда аралыктан билим берүү технологияларынын негизги түрлөрүн айкалыштырууда жол берилет. Окутуунун күндүзгү түрүндө билим берүү процессин ишке ашыруу үчүн башка аралыктан билим берүү технологияларын айкалыштыруу менен гана окутуунун кейс технологиясын толук өлчөмдө колдонууга мүмкүн болот.

4. Аралыктан билим берүү технологияларын пайдалануу менен билим берүү процесси билим берүү уюмдары тарабынан билим алуунун күндүзгү, күндүзгү-сырттан (кечки), сырттан окуу түрүндө, экстернат түрүндө жүзөгө ашырылат.

5. Аралыктан билим берүү технологияларын пайдалануу менен окутуунун күндүзгү түрүндө билим берүү программаларын ишке ашырууда билим берүү уюму билим берүүнүн тиешелүү деңгээлдеги мамлекеттик билим берүү стандартына ылайык толук көлөмдөгү аудитордук жүктөмдү камсыз кылууга милдеттүү.

Билим берүү уюмунун чечими боюнча ден соолугунун мүмкүнчүлүктөрү чектелүү окугандарга алардын жеке арызынын негизинде сабактарга эркин катышуу графиги берилет.

(КР Өкмөтүнүн 2019-жылдын 24-октябрындагы № 572 токтомунун редакциясына ылайык)

6. Окугандар окуу планындагы сааттардын көлөмүнүн 70 пайызынан кем эмесин аралыктан билим берүү технологиялары аркылуу өздөштүрүшсө билим берүү программалары толук көлөмдө аралыктан билим берүү технологияларын пайдалануу менен ишке ашырылат.

7. Сырттан окуу түрүндө жол берилбей турган даярдоонун адистиктери жана багыттары боюнча аралыктан билим берүү технологияларын толук көлөмдө пайдалануу менен билим берүү программаларын ишке ашырууга тыюу салынат.

Билим берүү уюмуна толук көлөмдө аралыктан билим берүү технологияларын колдонуу менен ишке ашырылуучу билим берүү программалары боюнча окууга кирген адамдар бул шарт менен кол койдуруп тааныштырылышы керек.

8. Аралыктан окутуу процессин камсыз кылуу үчүн аралыктан окутуунун төмөнкү каражаттары пайдаланылат:

- мультимедиалык коштолуучу адистештирилген окуу китептери;

- электрондук окуу китептерин, окуу куралын, тренингдик компьютердик программаларды, компьютердик лабораториялык практикумдарды, контролдук-тестирлөөчү комплектилерди, окуу видеофильмдерин, аудиожазууларды камтыган электрондук окуу-методикалык комплекстер;

- байланыштын телекоммуникациялык каналдары боюнча берүү үчүн арналган башка материалдар.

9. Аралыктан билим берүү технологияларын колдонууда негизги маалыматтык ресурс болуп аралыктан окутуунун маалыматтык базасы эсептелет, ал өзүнүн көлөмү жана мазмуну боюнча белгилүү деңгээлдеги негизги билим берүү программалары үчүн мамлекеттик билим берүү стандарттарынын талаптарына жана кошумча кесиптик билим берүү программаларынын мазмунунун талаптарына шайкеш келиши керек.

10. Аралыктан окутуунун маалыматтык базасы төмөнкүлөрдү камтыйт:

- негизги окуу жана окуу-методикалык адабияттардын фондун;

- кадрларды даярдоонун багыттарына ылайык келген тармактык басылмалар, маалымдама-библиографиялык, ошондой эле массалык борбордук жана жергиликтүү коомдук-саясий басылмалар менен толук комплекттелген мезгилдүү басылмалардын фондун;

- ар бир билим берүү программасынын багыттары боюнча монографиялар жана мезгилдүү илимий басылмалар түрүндөгү илимий адабияттар фондун.

11. Аралыктан окутууда билим берүү уюму ар бир окуганга тиешелүү билим берүү программасын же анын бөлүгүн өздөштүрүү үчүн зарыл болгон аралыктан окутуу каражаттарына жана окуу планындагы сааттардын көлөмүндө негизги маалыматтык ресурска жетүү мүмкүндүгүн камсыз кылат.

Окугандардын аралыктан окутуунун маалымат базасына, аралыктан окутуунун башка каражаттарына жетүүсүн камсыз кылуу максатында билим берүү уюму телекоммуникация каражаттарын пайдаланат.

Окугандарда зарыл болгон аппараттык-программалык каражаттар жок болгон учурда билим берүү уюму ага ушул каражаттарды берет.

(КР Өкмөтүнүн 2019-жылдын 24-октябрындагы № 572 токтомунун редакциясына ылайык)

12. Билим берүү уюму ар бир окуганды окуу жылынын башында бүтүндөй окуу жылына зарыл болгон кагаз жана электрондук түрдөгү окуу-методикалык материалдардын комплектиси менен камсыздоого тийиш.

(КР Өкмөтүнүн 2019-жылдын 24-октябрындагы № 572 токтомунун редакциясына ылайык)

13. Аралыктан окутууда билим берүү уюму телекоммуникация каражаттарын пайдалануу менен квалификациялуу окутуучулардын консультациялары аркылуу окугандарга илимий жана окуу-методикалык жардамды берет.

14. Телекоммуникация каналдарынын саны жана өткөрүү жөндөмдүүлүгү, билим берүү уюмунда окугандардын окуу процессинин адистештирилген жана лабораториялык жабдуулары (менчик, ошондой эле ижарага алынган), билим берүү каражаттары менен жабдылышы убакыттын реалдуу режиминде же жазууда аралыктан окутууну ишке ашыруу мүмкүндүгүн камсыз кылууга тийиш.

15. Билим берүү уюму окугандарды даярдоонун ар бир багыты, адистиктер боюнча телекөрсөтүү, компьютердик, тарамдык жана башка чөйрөлөрдө өткөрүү үчүн дидактикалык камсыздоого ээ сабактарды колдонуу менен аудитордук жүктөмдүн толук көлөмүн камсыз кылат.

Нөөмөттүүлүктү эске алуу менен бардык окугандар аралыктан окутуу үчүн жабдылган окуу-иш орду менен камсыздалышат.

(КР Өкмөтүнүн 2019-жылдын 24-октябрындагы № 572 токтомунун редакциясына ылайык)

16. Окуу планында каралган лабораториялык жана практикалык сабактарды өткөрүү үчүн билим берүү уюму окугандарга ушул сабактарга күндүз же аралыктан окутууну (виртуалдык лабораториялык иш, алыскы лабораториядагы иш) колдонуу менен катышууга мүмкүнчүлүк берет.

Ден соолугунун мүмкүнчүлүктөрү чектелүү окугандар үчүн билим берүү уюму аралыктан окутууну колдонуу менен лабораториялык жана практикалык сабактарга катышууга мүмкүндүк берүүгө милдеттүү.

(КР Өкмөтүнүн 2019-жылдын 24-октябрындагы № 572 токтомунун редакциясына ылайык)

17. Кабыл алынган аралыктан окутуу технологияларына жараша билим берүү уюму мамлекеттик билим берүү стандарттарына ылайык бардык сабактар боюнча билим берүү процессин жүргүзүүнү камсыздаган атайын жабдылган жайлардын топтомуна ээ болушу керек.

Ден соолугунун мүмкүнчүлүктөрү чектелүү окугандарды окутуу жеке окуу пландары боюнча атайын түзүлгөн коррекциялоочу группаларда же башка окугандар менен биргеликте инклюзивдик билим берүү аркылуу жүргүзүлүшү мүмкүн.

(КР Өкмөтүнүн 2019-жылдын 24-октябрындагы № 572 токтомунун редакциясына ылайык)

18. Билим берүү уюму окугандарга мамлекеттик билим берүү стандарттарында каралган окуу жана өндүрүштүк практикалардан өтүү мүмкүнчүлүгүн камсыздайт. Билим алуучулардын окуу жана өндүрүштүк практикалары (диплом алдындагыны кошуу менен) дайыма катышуу менен өтүлөт.

Ден соолугунун мүмкүнчүлүктөрү чектелүү окуганга жеке арызынын негизинде билим берүү уюмунун чечими боюнча окуу жана өндүрүштүк практикалардан (дипломдун алдындагыларды кошкондо) өтүүдө эркин катышуу графиги берилет.

(КР Өкмөтүнүн 2019-жылдын 24-октябрындагы № 572 токтомунун редакциясына ылайык)

19. Билим берүү уюму жаңы маалыматтык-билим берүү чөйрөсүндө окутуу үчүн, ошондой эле ден соолугунун мүмкүнчүлүктөрү чектелүү окугандардын кызыкчылыктарын жана керектөөлөрүн эске алуу менен окутуучуларды жана окуу-жардамчы персоналды кесиптик кайра даярдоонун жана квалификациясын жогорулатууну уюштурат.

(КР Өкмөтүнүн 2019-жылдын 24-октябрындагы № 572 токтомунун редакциясына ылайык)

20. Билим берүү уюму тарабынан окугандарды аралыктык аттестациялоо жана бүтүрүүчүлөрдү милдеттүү жыйынтыктоочу аттестациялоо окугандын милдеттүү катышуусу менен жүзөгө ашырылат.

Өзгөчө кырдаал/өзгөчө абал режиминин шарттарында билим берүү уюму тарабынан аныкталган тартипте аралыктан билим берүү технологияларын колдонуу менен онлайн режиминде билим алуучуларды орто аралык аттестациялоого жана бүтүрүүчүлөрдү жыйынтыктоочу мамлекеттик аттестациялоого жол берилет, буга төмөнкү бүтүрүүчүлөрдү жыйынтыктоочу мамлекеттик аттестациялоо кирбейт:

- жашыруун режимин сактоону талап кылган, жеткиликтүүлүгү чектелген грифтеги сабактар боюнча;

- маданият жана искусство жаатындагы билим берүүчү уюмдарындагы атайын чыгармачылык сабактар боюнча.

(КР Өкмөтүнүн 2019-жылдын 24-октябрындагы № 572, 2020-жылдын 20-майындагы № 262 токтомдорунун редакцияларына ылайык)

21. Аралыктан окутууну уюштурууда окуу процессинин жыйынтыктарын каттоо жана ички иш кагаздарын жүргүзүү кагаз жана (же) электрондук түрдө жүргүзүлөт.

22. Ден соолугунун мүмкүнчүлүктөрү чектелүү окугандар үчүн учурдагы жана орто аралык аттестациялоо жүргүзүүнүн формалары, жетишүүсүн баалоо системасы билим берүү уюму тарабынан алардын ден соолугунун жеке өзгөчөлүктөрүн эске алуу менен белгиленет.

(КР Өкмөтүнүн 2019-жылдын 24-октябрындагы № 572 токтомунун редакциясына ылайык)

23. Ден соолугунун мүмкүнчүлүктөрү чектелүү окугандын жазуу жүзүндөгү арызы боюнча билим берүү уюмунун чечими менен ага экзаменде жоопту даярдоо же мамлекеттик жыйынтыктоочу аттестациялоо этаптарынан өтүү үчүн убакыт (мамлекеттик жыйынтыктоочу аттестацияны тапшыруу, бүтүрүүчү квалификациялык ишти жана магистрдик диссертацияны коргоо убактысы) узартылат.

(КР Өкмөтүнүн 2019-жылдын 24-октябрындагы № 572 токтомунун редакциясына ылайык)

Кыргыз Республикасынын Өкмөтүнүн
2014-жылдын 26-июнундагы
№ 354 токтомуна
2-тиркеме

Күндүзгү-сырттан (кечки), сырттан окуу түрүндө жана экстернат түрүндө алууга жол берилбеген кесиптердин жана адистиктердин
ТИЗМЕГИ

(КР Өкмөтүнүн 2018-жылдын 11-апрелиндеги № 197, 2018-жылдын 11-июнундагы № 279 токтомдорунун редакцияларына ылайык)

1. Бүтүрүүчүгө "бакалавр" жана "магистр" академиялык даражасын ыйгаруу менен ырасталуучу жогорку кесиптик билимге даярдоонун багыттары

Коду	Бакалаврларды, магистрлерди даярдоо багыттарынын аталышы	Жогорку кесиптик билим алууга жол берилбеген окутуунун формалары
Коду		бакалавр	магистр
Физика-математика илимдери жана фундаменталдык информатика
510100	Математика	Сырттан, экстернат	Сырттан, экстернат
510200	Колдонмо математика жана информатика	Экстернат	Сырттан, экстернат
510300	Информациялык технологиялар	Сырттан, экстернат	Сырттан, экстернат
510400	Физика	Сырттан, экстернат	Сырттан, экстернат
510500	Радиофизика	Сырттан, экстернат	Сырттан, экстернат
510600	Фундаменталдык информатика жана информациялык технологиялар	Сырттан, экстернат	Сырттан, экстернат
510700	Информациялык тутумдарды математикалык камсыздоо жана администрациялоо	Сырттан, экстернат	Сырттан, экстернат
Табигый илимдер
520100	Химия	Сырттан, экстернат	Сырттан, экстернат
520200	Биология	Сырттан, экстернат	Сырттан, экстернат
520300	Геология	Сырттан, экстернат	Сырттан, экстернат
520400	География	Сырттан, экстернат	Сырттан, экстернат
520500	Картография жана геоинформатика	Сырттан, экстернат	Сырттан, экстернат
520600	Гидрометеорология	Сырттан, экстернат	Сырттан, экстернат
520700	Топурак изилдөө	Күндүзгү-сырттан (кечки), сырттан, экстернат	экстернат
520800	Экология жана жаратылышты пайдалануу	Экстернат	Экстернат
520900	Биоэкология	Экстернат	Экстернат
Гуманитардык илимдер
530100	Философия	Экстернат	Сырттан, экстернат
530200	Политология	Сырттан, экстернат	Сырттан, экстернат
530300	Психология	Сырттан, экстернат	Сырттан, экстернат
530400	Тарых	Экстернат	Сырттан, экстернат
530500	Юриспруденция	Экстернат	Экстернат
530600	Журналистика	Экстернат	Экстернат
530700	Жарнама жана коомчулук менен байланыштар	Сырттан, экстернат	Сырттан, экстернат
530800	Эл аралык мамилелер	Күндүзгү- сырттан (кечки), сырттан, экстернат	Күндүзгү- сырттан (кечки), сырттан, экстернат
530900	Чыгыш таануу, африка таануу	Күндүзгү-сырттан (кечки), сырттан, экстернат	Күндүзгү-сырттан (кечки), сырттан, экстернат
531000	Филология	Экстернат	Экстернат
531100	Лингвистика	Күндүзгү-сырттан (кечки), сырттан, экстернат	Күндүзгү-сырттан (кечки), сырттан, экстернат
531200	Компьютердик лингвистика	Күндүзгү-сырттан (кечки), сырттан, экстернат	Күндүзгү-сырттан (кечки), сырттан, экстернат
531300	Маданият таануу	Экстернат	Экстернат
531400	Дин таануу	Экстернат	Сырттан, экстернат
531500	Регион таануу	Күндүзгү-сырттан (кечки), сырттан, экстернат	Күндүзгү-сырттан (кечки), сырттан, экстернат
531600	Теология	Күндүзгү-сырттан (кечки), сырттан, экстернат	Күндүзгү-сырттан (кечки), сырттан, экстернат
531700	Америка таануу	Сырттан, экстернат	Сырттан, экстернат
531800	Европа таануу	Сырттан, экстернат	Сырттан, экстернат
531900	Антропология	Сырттан, экстернат	Сырттан, экстернат
532000	Дене тарбия	Экстернат	Экстернат
532100	Рекреация жана спорттук-ден соолук чыңдоо туризми	Экстернат	Экстернат
532200	Укук коргоо иши	Экстернат	Экстернат
532300	Кытай таануу	Сырттан, экстернат	Сырттан, экстернат
532400	Эркин искусство жана илимдер	Сырттан, экстернат	Сырттан, экстернат
Социалдык илимдер
540100	Социология		Экстернат
540200	Социалдык иштер		Экстернат
540300	Жаштар менен иштөөнү уюштуруу	Экстернат	Экстернат
Педагогикалык билим берүү
550100	Табигый-илимий билим берүү	Экстернат	Экстернат
550200	Физика-математикалык билим берүү	Экстернат	Экстернат
550500	Технологиялык билим берүү	Экстернат	Экстернат
550700	Педагогика	Экстернат	Экстернат
550800	Кесиптик билим берүү	Экстернат	Экстернат
Саламаттык сактоо
560100	Коомдук саламаттык сактоо	Сырттан, экстернат	Күндүзгү-сырттан (кечки), сырттан, экстернат
Маданият и искусство
570100	Искусствонун тарыхы жана теориясы	Экстернат	Экстернат
570200	Музыкалык искусство	Экстернат	Экстернат
570300	Театр искусствосу	Экстернат	Экстернат
570400	Дизайн	Экстернат	Экстернат
570500	Көркөм сүрөт искусствосу	Экстернат	Экстернат
570600	Китепкана таануу жана документ жүргүзүү	Экстернат	Экстернат
570700	Костюм жана текстиль искусствосу	сырттан, экстернат	сырттан, экстернат
570800	Басма иштери	Экстернат	Экстернат
570900	Реставрация	Экстернат	Экстернат
571000	Элдик көркөм маданият	Экстернат	Экстернат
571100	Телекөрсөтүү	Экстернат	Экстернат
571200	Музеология жана маданий, табигый мурастар объекттерин коргоо	Экстернат	Экстернат
Экономика жана башкаруу
580100	Экономика	экстернат	экстернат
580200	Менеджмент	экстернат	экстернат
580300	Коммерция	экстернат	экстернат
580400	Соода иши	экстернат	экстернат
580500	Бизнес-информатика	экстернат	экстернат
580800	Персоналды башкаруу	экстернат	экстернат
580900	Мамлекеттик жана муниципалдык башкаруу	экстернат	экстернат
Маалымат коопсуздугу
590100	Маалымат коопсуздугу	Сырттан, экстернат	Сырттан, экстернат
Тейлөө чөйрөсү
600100	Сервис	Экстернат	Экстернат
600200	Туризм	Экстернат	Экстернат
600300	Мейманкана иши	Экстернат	Экстернат
Айыл чарба
610100	Агрохимия жана агрокыртыш таануу	Экстернат	Экстернат
610200	Агрономия	Экстернат	Экстернат
610300	Агроинженерия	Экстернат	Экстернат
610400	Зоотехния	Экстернат	Экстернат
610500	Ветеринария	Экстернат	Күндүзгү-сырттан (кечки), сырттан, экстернат
610600	Айыл чарба азыктарын өндүрүү жана кайра иштетүү технологиясы	Экстернат	Экстернат
610700	Балык чарба	Экстернат	Экстернат
Геодезия жана жерге жайгаштыруу
620100	Геодезия жана аралыктык байкаштыруу	Экстернат	Экстернат
620200	Жерге жайгаштыруу жана кадастрлар	Экстернат	Экстернат
Геология, пайдалуу казылмалар кендерин чалгындоо жана иштетүү
630100	Колдонмо геология	Экстернат	Экстернат
630200	Геологиялык чалгындоо технологиясы	Экстернат	Экстернат
630300	Тоо-кен иштери	Экстернат	Экстернат
630400	Мунай-газ иштери	Экстернат	Экстернат
Энергетика жана электр энергетикасы
640100	Жылуулук энергетикасы жана жылуулук техникасы	Экстернат	Экстернат
640200	Электр энергетика жана электр техника	Экстернат	Экстернат
Материал таануу, металлургия жана машина куруу
650100	Материал таануу жана материалдар технологиясы	Экстернат	Экстернат
650200	Металлургия	Экстернат	Экстернат
650300	Машина куруу	Экстернат	Сырттан, экстернат
650400	Технологиялык машиналар жана жабдуулар	Экстернат	Сырттан, экстернат
650500	Колдонмо механика	Сырттан, экстернат	Сырттан, экстернат
Курал-жарак жана куралдануу тутуму
660100	Курал-жарак жана куралдануу тутуму	Күндүзгү-сырттан (кечки), сырттан, экстернат	Күндүзгү-сырттан (кечки), сырттан, экстернат
Транспорттук техника жана технология
670100	Жер бетиндеги транспорттук-технологиялык машиналар жана комплекстер	Экстернат	Экстернат
670200	Транспорттук-технологиялык машиналарды жана комплекстерди пайдалануу	Экстернат	Экстернат
670300	Транспорттук процесстер технологиясы	Экстернат	Экстернат
Прибор куруу
680100	Прибор куруу	Экстернат	Экстернат
680200	Биотехникалык тутумдар жана технологиялар	Экстернат	Экстернат
Электроника, радиотехника жана байланыш
690100	Электроника жана наноэлектроника	Экстернат	Сырттан, экстернат
690200	Радиотехника	Экстернат	Сырттан, экстернат
690300	Инфокоммуникациялык технологиялар жана байланыш тутуму	Экстернат	Экстернат
690400	Электрондук каражаттарды конструкциялоо жана технологиясы	Сырттан, экстернат	Сырттан, экстернат
Автоматташтыруу жана башкаруу
700100	Тутумдук талдоо жана башкаруу	Сырттан, экстернат	экстернат
700200	Техникалык тутумдардагы башкаруу	Экстернат	Экстернат
700300	Технологиялык процесстерди жана өндүрүштү автоматташтыруу	Экстернат	Экстернат
700500	Мехатроника жана робот техникасы	Сырттан, экстернат	Сырттан, экстернат
700600	Стандартташтыруу, сапатты башкаруу жана метрология	Экстернат	Сырттан, экстернат
700700	Инноватика	Экстернат	Экстернат
700800	Техникалык физика	Сырттан, экстернат	Сырттан, экстернат
Эсептөө техникасы жана маалыматтык технологиялар
710100	Информатика жана эсептөө техникасы	Сырттан, экстернат	Сырттан, экстернат
710200	Информациялык тутумдар жана технологиялар	Экстернат	Сырттан, экстернат
710300	Колдонмо информатика	Экстернат	Экстернат
710400	Программалык инженерия	Экстернат	Сырттан, экстернат
710500	Интернет-технологиялар жана башкаруу	Сырттан, экстернат	Сырттан, экстернат
Химиялык технология жана биотехнология
720100	Химиялык технология	Экстернат	Сырттан, экстернат
720200	Биотехнология	Экстернат	Сырттан, экстернат
720300	Химиялык технологияда, мунай химияда жана биотехнологияда энергия жана ресурс үнөмдөөчү процесстер	Экстернат	Сырттан, экстернат
Токой ресурстарын кайталап өндүрүү жана кайра иштетүү
730100	Токой иштери жана ландшафттык курулуш	Экстернат	Экстернат
730200	Жыгач даярдоо жана жыгачты кайра иштетүү өндүрүшүнүн технологиясы	Экстернат	Экстернат
Азык-түлүк жана керектелүүчү товарлардын технологиясы жана өндүрүшү
740100	Өсүмдүк чийки затынан алынуучу тамак-аш азыктарынын технологиясы жана өндүрүшү	Экстернат	Экстернат
740200	Жаныбарлардан алынуучу тамак-аш азыктарынын технологиясы жана өндүрүшү	Экстернат	Экстернат
740300	Продукциялар технологиясы жана коомдук тамактанууну уюштуруу	Экстернат	Экстернат
740400	Текстиль өнөр жайынын технологиясы жана буюмдарды долбоорлоо	Сырттан, экстернат	Экстернат
740500	Материалдарды көркөм иштетүү технологиясы	Сырттан, экстернат	Экстернат
740600	Полиграфиялык жана таңгактоо өндүрүшүнүн технологиясы	Экстернат	Экстернат
740700	Жеңил өнөр жай буюмдарынын технологиясы	Экстернат	Сырттан, экстернат
Архитектура жана курулуш
750100	Архитектура	Сырттан, экстернат	Сырттан, экстернат
750200	Архитектуралык чөйрөнүн дизайны	Сырттан, экстернат	Сырттан, экстернат
750300	Архитектуралык чөйрөнү реставрациялоо жана реконструкциялоо	Сырттан, экстернат	Сырттан, экстернат
750400	Шаар курулушу	Сырттан, экстернат	Сырттан, экстернат
750500	Курулуш	Экстернат	Экстернат
Техносфералык коопсуздук, жаратылышты абаттоо жана гидрометеорология
760100	Жаратылышты абаттоо жана суу пайдалануу	Экстернат	Экстернат
760200	Колдонмо гидрометеорология	Экстернат	Экстернат
760300	Техносфералык коопсуздук	Экстернат	Экстернат
Аскердик билим берүү
770100	Мотоаткыч аскерлердин командалык тактикасы	Күндүзгү-сырттан (кечки), сырттан, экстернат	Күндүзгү-сырттан (кечки), сырттан, экстернат

2. Бүтүрүүчүгө "адис" квалификациясын ыйгаруу менен ырасталуучу жогорку кесиптик билимге даярдоонун багыттары

Коду	Адистиктин аталышы	Кесиптик жогорку билим алууга жол берилбеген окутуунун формалары
Гуманитардык илимдер
530001	Клиникалык психология	Сырттан, экстернат
530002	Соттук экспертиза	Сырттан, экстернат
530003	Котормо жана котормо таануу	Сырттан, экстернат
530004	Бажы иши	Экстернат
Саламаттык сактоо
560001	Дарылоо иши	Күндүзгү-сырттан (кечки), сырттан, экстернат
560002	Педиатрия	Күндүзгү-сырттан (кечки), сырттан, экстернат
560003	Медициналык-алдын алуу	Күндүзгү-сырттан (кечки), сырттан, экстернат
560004	Стоматология	Күндүзгү-сырттан (кечки), сырттан, экстернат
560005	Фармация	Сырттан, экстернат
560006	Медициналык айым иши	Сырттан, экстернат
Маданият жана искусство
570001	Искусство таануу	Экстернат
570002	Театр таануу	Экстернат
570003	Хореография искусствонун тарыхы жана теориясы	Экстернат
570004	Музыка таануу	Экстернат
570005	Кино таануу	Экстернат
570006	Кинооператорлук	Сырттан, экстернат
570007	Көркөм сүрөт искусствосунун тарыхы жана теориясы	Экстернат
570008	Аспаптык аткаруучулук (аспаптардын түрлөрү боюнча)	Экстернат
570009	Вокалдык искусство (вокалдык искусствонун түрлөрү боюнча)	Экстернат
570010	Дирижерлук кылуу (аткаруучу коллективдердин түрлөрү боюнча)	Экстернат
570011	Композиция	Экстернат
570012	Музыкалык эстрада искусствосу (түрлөрү боюнча)	Экстернат
570013	Үн режиссурасы (колдонулуу багыттары боюнча)	Экстернат
570014	Актердук өнөр	Экстернат
570015	Режиссура (колдонулуу багыттары боюнча)	Экстернат
570016	Театралдык-декорациялык искусство	Экстернат
570017	Хореографиялык өнөр	Экстернат
570018	Хореография режиссурасы	Экстернат
570019	Хореография педагогикасы	Экстернат
570020	Дизайн	Сырттан, экстернат
570021	Интерьер жана жабдуулар	Сырттан, экстернат
570022	Декоративдик-колдонмо искусство жана элдик кол өнөрчүлүк	Сырттан, экстернат
570023	Монументалдык-декоративдик искусство	Сырттан, экстернат
570024	Живопись	Сырттан, экстернат
570025	Графика	Сырттан, экстернат
570026	Скульптура	Сырттан, экстернат
570027	Адабий чыгармачылык	Экстернат
570028	Элдик көркөм чыгармачылык	Сырттан, экстернат
570029	Социалдык-маданий иштер	Экстернат
570030	Китеп иштери	Экстернат
570031	Музей иши жана эстеликтерди коргоо	Экстернат
Маалымат коопсуздугу
590001	Маалымат коопсуздугу	Сырттан, экстернат
Айыл чарба
610001	Ветеринария	Экстернат
Геодезия жана жерге жайгаштыруу
620101	Колдонмо геодезия	Экстернат
Геология, пайдалуу казылмалар кендерин чалгындоо жана иштетүү
630001	Колдонмо геология	Экстернат
630002	Геологиялык чалгындоо технологиясы	Экстернат
630003	Тоо-кен иштери	Экстернат
630004	Тоо-кен же мунай газ өндүрүшүнүн физикалык процесстери	Күндүзгү-сырттан (кечки), сырттан, экстернат
Архитектура жана курулуш
750001	Темир жолдун кыймылдуу бөлүгү	Экстернат
750002	Темир жолдорду, көпүрөлөрдү жана транспорттук тоннелдерди куруу	Экстернат
Техносфералык коопсуздук
760001	Өрт коопсуздугу	Экстернат

Язык:
Тип данных:
Свойства документа:

Найти предыдущее слово
Найти следующее слово