Система Orphus
RTF Print OpenData
Документ Маалым дарек Шилтеме документтер
Редакция:      кыргызча  |  на русском

Описание: Описание: Описание: C:\Users\CBD\AppData\Local\Temp\CdbDocEditor\c9ecf073-59c0-4f39-9736-457074b3537c\document.files\image001.jpg

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2017-жылдын 15-марты № 155

Кыргыз Республикасынын визаларын тариздөө жана берүү тартиби жөнүндө нускаманы бекитүү тууралуу

Натыйжалуу визалык саясатты түзүү максатында, "Тышкы миграция жөнүндө" Кыргыз Республикасынын Мыйзамына, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Төмөнкүлөр бекитилсин:

- Кыргыз Республикасынын визаларын тариздөө жана берүү тартиби жөнүндө нускама (мындан ары - Нускама) 1-тиркемеге ылайык;

- Кыргыз Республикасынын визалык чаптамасынын баяндамасы жана анын үлгүлөрү 2-тиркемеге ылайык.

2. Төмөнкүлөр белгиленсин:

- ушул токтом күчүнө киргенге чейин берилген визалар аларда көрсөтүлгөн мөөнөтү бүткөнгө чейин колдонулаары;

- уруксат берүүчү документтери болгон учурда визалар узартылаары.

3. Кыргыз Республикасынын Өкмөтүнө караштуу Мамлекеттик каттоо кызматы таризделген визалар жөнүндө толук статистикалык маалыматты Кыргыз Республикасынын Тышкы иштер министрлигине берсин.

4. Кыргыз Республикасынын Өкмөтүнүн 2012-жылдын 18-декабрындагы № 839 "Консулдук жыйымдар жана иш жүзүндөгү чыгымдар үчүн жыйымдар жөнүндө" токтомуна төмөнкүдөй өзгөртүү киргизилсин:

жогоруда аталган токтом менен бекитилген Консулдук жыйымдар жана иш жүзүндөгү чыгымдар үчүн жыйымдар жөнүндө жободо:

- 26-пункту күчүн жоготту деп таанылсын.

5. Төмөнкүлөр күчүн жоготту деп таанылсын:

- Кыргыз Республикасынын Өкмөтүнүн 1995-жылдын 21-июнундагы № 239 "Кыргыз Республикасынын аймагы аркылуу чет өлкөлүк граждандардын транзиттик жүрүү эрежелерин бекитүү жөнүндө" токтому;

- Кыргыз Республикасынын Өкмөтүнүн 2003-жылдын 13-августундагы № 509 "Чүй областынын Аламүдүн районунун Ак-Жол жана Панфилов районунун Чалдыбар айылдарында Кыргыз Республикасынын Тышкы иштер министрлигинин консулдук пункттарын ачуу жөнүндө" токтому;

- Кыргыз Республикасынын Өкмөтүнүн 2008-жылдын 28-мартындагы № 112 "Жарандардын өз ара катташуу режимин тартипке салуу жана Борбордук жана Чыгыш Европа өлкөлөрү менен визалык режимди белгилөө жөнүндө" токтому;

- Кыргыз Республикасынын Өкмөтүнүн 2009-жылдын 10-мартындагы № 156 "Кыргыз Республикасынын визаларын тариздөө жана аларды берүү тартибин бекитүү жөнүндө" токтому;

- Кыргыз Республикасынын Өкмөтүнүн 2013-жылдын 1-октябрындагы № 541 "Кыргыз Республикасынын Өкмөтүнүн айрым чечимдеринен "КПҮ" грифин алып салуу тууралуу" токтому;

- Кыргыз Республикасынын Өкмөтүнүн 2014-жылдын 17-декабрындагы № 710 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтомунун 1-пункту;

- "Кыргыз Республикасынын Өкмөтүнүн 2009-жылдын 10-мартындагы № 156 "Кыргыз Республикасынын визасын тариздөө жана берүү тартибин бекитүү жөнүндө" токтомуна өзгөртүүлөрдү киргизүү тууралуу" Кыргыз Республикасынын Өкмөтүнүн 2014-жылдын 29-декабрындагы № 750 токтому;

- Кыргыз Республикасынын Өкмөтүнүн 2015-жылдын 20-мартындагы № 132 "Америка Кошмо Штаттарынын жарандарына 5 жылга чейинки мөөнөткө Кыргыз Республикасынын көп жолку визаларын тариздөөнүн өзгөчөлүктөрү жөнүндө" токтомунун 3-пункту.

6. Ушул токтом расмий жарыяланууга тийиш жана 2017-жылдын 5-апрелинен тартып күчүнө кирет.

7. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын эл аралык кызматташтык бөлүмүнө жүктөлсүн.

 

Премьер-министри

 

С.Жээнбеков

 

2-тиркеме

Кыргыз Республикасынын визалык чаптамасынын
БАЯНДАМАСЫ ЖАНА АНЫН ҮЛГҮЛӨРҮ

Кыргыз Республикасынын визалык чаптамасынын бланкы 79 мм х 105 мм өлчөмүндөгү бурчтары тегеректелген карточка-чаптаманы түшүндүрөт, бет жагында мамлекеттик жана англис тилдериндеги төмөнкүдөй текст камтылган:

"ВИЗА КЫРГЫЗ РЕСПУБЛИКАСЫ VISA KYRGYZ REPUBLIC

Визанын категориясы/Category of visa

Визанын түрү/Туре of visa

Кирүүлөрдүн саны/Number of entries

Баштап/From

Чейин/to

Колдонулуу мөөнөтү/Valid

Аты-жөнү/Surname and name

Кириш/Entry Чыгыш/Exit Кириш/Entry

Паспорттун №/Passport

Берилген датасы/Date of issue

Кошумча маалымат/Additional information

Чакыруучу тарап/Inviting party

Кызматкердин колу, аты-жөнү/Signature and name of officer in charge 1A 000000".

Визалык чаптама мамлекеттик маанидеги документтерди даярдоодо колдонулуучу, жасалма документтерден өзгөчө коргоону талап кылуучу коргоо элементтери бар атайын кагазда басылат.

Визалык чаптаманын бет жагы декоративдик кооздоо түрүндөгү айырмаланган өзгөчөлүккө ээ. Тексттер жана кооздук элементтери туурасынан жайгашкан.

Визалык чаптаманын борбордук бөлүгүндө Кыргыз Республикасынын картасы түшүрүлүп, ага "ВИЗА", "VISA" деген сөздөр ар кандай бурчтар менен басылган.

Ысык-Көлдүн сүрөтү көк түс менен бөлүнгөн, анын үстүнкү бетине "ВИЗА VISA" жана "КЫРГЫЗ РЕСПУБЛИКАСЫ KYRGYZ REPUBLIC" деген сөздөр басылган.

Тилкенин жогорку бөлүгүндө "ВИЗА КЫРГЫЗ РЕСПУБЛИКАСЫ" жана "VISA KYRGYZ REPUBLIC" деген сөздөр түшүрүлгөн (кириллица жана латын тамгалары менен). Визалык чаптаманын жогорку бөлүгүндө "ВИЗА" жана "VISA" деген сөздөр ак түстөгү сыя менен бастырылган. Визалык чаптаманын төмөнкү бөлүгүндө "VISA" деген сөз эки жолу жана ''ВИЗА" деген сөз үч жолу бастырылган, визалык чаптаманын төмөнкү оң бурчундагы акыркы "ВИЗА" деген сөздүн үстүндө квадраттык штрих-код жайгашкан.

Визалык чаптаманын төмөнкү сол бурчунда кызгылт сары түстөгү кыргыз орнаменти түшүрүлгөн.

Визалык чаптаманын жогорку сол бурчу анын чегинен сыртына чыгып турган тордолгон сызыктарды жана Кыргыз Республикасынын Мамлекеттик гербинин сүрөтү түшүрүлгөн коргоочу голограмманы камтыйт.

Визалык чаптаманын номери эки компоненттен: эки латын тамгасынан (IA) турган сериялык номерден жана алты цифрадан турат.

Топтук визалар үчүн визалык чаптамалардын бланкы жеке визалык чаптама кандай болсо, ошондой жасалгаланган, анын жогорку бөлүгүндө төмөнкүдөй текст жайгашкан:

"ТОПТОР ҮЧҮН ВИЗА КЫРГЫЗ РЕСПУБЛИКАСЫ GROUP VISA KYRGYZ REPUBLIC

Кирүүчүлөрдүн саны/Number of persons

Сапардын caны/Entry(s)

Баштап/From

Чейин/To

Чакыруучу тарап/Inviting party

Берилген датасы/Issue date

Кошумча маалымат/Additional information

Кызматкердин колу, аты-жөнү/Signature and name of officer in charge GA 000000".