Система Orphus
RTF Print OpenData
Документ Реквизиты Ссылающиеся документы
Редакция:      кыргызча  |  на русском

Описание: Описание: C:\Users\User\AppData\Local\Temp\CdbDocEditor\b36311ee-b4ee-4f37-a2c0-4539f7a7d38e\document.files\image001.jpg

КЫРГЫЗ РЕСПУБЛИКАСЫНЫН МЫЙЗАМЫ

2017-жылдын 27-апрели № 64

Үй-бүлөлүк зомбулуктан сактоо жана коргоо маселелери боюнча айрым мыйзам актыларына өзгөртүүлөрдү киргизүү жөнүндө

2017-жылдын 16-мартында

Кыргыз Республикасынын Жогорку Кеңеши тарабынан кабыл алынган

1-берене.

Кыргыз Республикасынын Администрациялык жоопкерчилик жөнүндө кодексине (Кыргыз Республикасынын Жогорку Кенешинин Ведомосттору, 1999-ж., № 2, 77-ст.) төмөнкүдөй өзгөртүүлөр киргизилсин:

1) 663 жана 664-статьялар төмөнкүдөй редакцияда баяндалсын:

"663-статья. Үй-бүлөлүк зомбулук

Үй-бүлөлүк зомбулук (үй-бүлөдөгү зомбулук) - бул үй-бүлөнүн бир мүчөсүнүн/ага теңештирилген адамдын үй-бүлөнүн башка мүчөсүнө/ага теңештирилген адамына карата дене бой, психикалык, экономикалык, сексуалдык мүнөздөгү атайылап жасаган аракеттери же алардын коркунучу, эгерде бул аракеттер алар үчүн жазык жоопкерчилиги каралган жосундардын белгилерин камтыбаса, -

эсептик көрсөткүчтүн ондон жыйырмага чейинки өлчөмүндө администрациялык айып салууга же он бештен отуз саатка чейинки мөөнөткө коомдук иштерге тартууга алып келет.

664-статья. Коргоо ордеринин шарттарын аткарбоо

Коргоо ордеринин шарттарын аткарбоо -

эсептик көрсөткүчтүн он бештен отузга чейинки өлчөмүндө администрациялык айып салууга же отуздан кырк саатка чейинки мөөнөткө коомдук иштерге тартууга, же үчтөн беш суткага чейинки мөөнөткө администрациялык камакка алууга алып келет.";

2) 665-статья күчүн жоготту деп таанылсын.

2-берене.

Кыргыз Республикасынын Балдар жөнүндө кодексине (Кыргыз Республикасынын Жогорку Кеңешинин Жарчысы, 2012-ж., № 7, 2711-ст.) төмөнкүдөй өзгөртүү киргизилсин:

27-берененин 1-бөлүгү төмөнкүдөй мазмундагы 81-пункт менен толукталсын:

"81) балдарды үй-бүлөлүк зомбулуктан сактоо жана коргоо боюнча функцияларды Кыргыз Республикасынын мыйзамдарына ылайык жүзөгө ашырат;".

3-берене.

"Кыргыз Республикасындагы калкты социалдык жактан тейлөөнүн негиздери жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2002-ж., № 1, 1-ст.) төмөнкүдөй өзгөртүүлөр киргизилсин:

1) 3-статьяда:

а) он бешинчи абзацы төмөнкүдөй редакцияда баяндалсын:

"консультациялык-алдын алуу борбору (кризистик борбор) - үй-бүлөлүк зомбулуктан жапа чеккен адамдарга социалдык-психологиялык, ошондой эле укуктук, медициналык жардам көрсөтүү боюнча уюм. Консультациялык-алдын алуу борборунун алдында баш калкалоо жайы түзүлүшү мүмкүн.";

б) отуз экинчи абзац "катаал мамилеге," деген сөздөрдөн кийин "үй-бүлөлүк зомбулукка," деген сөздөр менен толукталсын;

в) статья төмөнкүдөй мазмундагы отуз жетинчи абзац менен толукталсын:

"үй-бүлөлүк зомбулуктан жапа чеккен адамдар үчүн баш калкалоо жайы, убактылуу туруучу борбор - үй-бүлөлүк зомбулуктан жапа чеккен адамдарга мыйзамдарга ылайык коопсуз, убактылуу жашап туруу жайын берүүчү уюм. Баш калкалоо жайлары эркектер жана аялдар үчүн өзүнчө уюштурулат.";

2) 7-статьяда:

а) 2-бөлүгүнүн "б" пункту төмөнкүдөй мазмундагы жетинчи абзац менен толукталсын:

"- баш калкалоо жайы (үй-бүлөлүк зомбулуктан жапа чеккен адамдар үчүн убактылуу туруучу борборлор;)";

б) 3-бөлүгүндө:

бешинчи абзацы төмөнкүдөй редакцияда баяндалсын:

"- консультациялык-алдын алуу борборлору (кризистик борборлор);";

онунчу абзацында "зомбулукка дуушар болгон адамдар үчүн" деген сөздөр алып салынсын.

4-берене.

"Кыргыз Республикасынын ички иштер органдары жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Ведомосттору, 1994-ж., № 3, 76-ст.) төмөнкүдөй өзгөртүү киргизилсин:

8-статья төмөнкүдөй мазмундагы 23-пункт менен толукталсын:

"23) үй-бүлөлүк зомбулуктан сактоо жана коргоо боюнча чараларды жүзөгө ашырууга, коргоо ордерин берүүгө, узартууга жана анын шарттарынын аткарылышына контролдук кылууга.".

5-берене.

"Кыргыз Республикасындагы укук бузуулардын алдын алуу жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2005-ж., № 9, 640-ст.) төмөнкүдөй өзгөртүү киргизилсин:

20-статья төмөнкүдөй мазмундагы он төртүнчү абзац менен толукталсын:

"- үй-бүлөлүк зомбулук жасагандарга жана коргоо ордерин алгандарга.".

6-берене.

"Жергиликтүү өз алдынча башкаруу жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2011-ж., № 7, 1004-ст.) төмөнкүдөй өзгөртүү киргизилсин:

18-берененин 1-бөлүгү төмөнкүдөй мазмундагы 25-пункт менен толукталсын:

"25) үй-бүлөлүк зомбулуктан сактоо жана коргоо боюнча чаралардын комплексин Кыргыз Республикасынын мыйзамдарында белгиленген тартипте жүзөгө ашыруу.".

7-берене.

"Аксакалдар соттору жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2002-ж.. № 8, 378-ст.) төмөнкүдөй өзгөртүү киргизилсин:

15-статья төмөнкүдөй мазмундагы "ж" пункту менен толукталсын:

"ж) адамдын жосунунда кылмыштын курамы болбогон учурларда, үй-бүлөлүк зомбулукка байланыштуу.".

8-берене.

"Телекөрсөтүү жана радиоуктуруу жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2008-ж., № 6/2, 570-ст.) төмөнкүдөй өзгөртүү киргизилсин:

10-берененин 3-бөлүгү төмөнкүдөй мазмундагы 7-пункт менен толукталсын:

"7) коомдук аң-сезимде зомбулуктун ар кандай формасын кабылдабоону калыптандыруу жана басмырлоонун ар кандай формасын үгүттөөгө жол бербөө максатында үй-бүлөлүк зомбулуктан сактоо жана коргоо маселелерин чагылдыруу.".

9-берене.

"Жарнак жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 1999-ж., № 4, 195-ст.) төмөнкүдөй өзгөртүү киргизилсин:

2-берененин отуз үчүнчү абзацы "басмырлоонун" деген сөздөн кийин "жана зомбулуктун" деген сөздөр менен толукталсын.

10-берене.

"Курал жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 1999-ж., № 11, 448-ст.) төмөнкүдөй өзгөртүү киргизилсин:

15-статьянын 14-бөлүгү төмөнкүдөй мазмундагы жетинчи абзац менен толукталсын:

"- аларга карата алардын үй-бүлөлүк зомбулук жасагандыгынын фактысы боюнча сот актысы бар;".

11-берене.

Ушул Мыйзам расмий жарыяланган күндөн тартып алты ай өткөндөн кийин күчүнө кирет.

"Эркин Тоо" газетасынын 2017-жылдын 9-майында № 56 (2781) жарыяланды

Кыргыз Республикасынын Өкмөтү алты айлык мөөнөттө өзүнүн ченемдик укуктук актыларын ушул Мыйзамга ылайык келтирсин.

 

Кыргыз Республикасынын

           Президенти

 

А.Ш. Атамбаев