Система Orphus
RTF Print OpenData
Документ Реквизиты Ссылающиеся документы
Редакция:      кыргызча  |  на русском

Описание: Описание: Описание: Описание: Описание: C:\Users\CBD\AppData\Local\Temp\CdbDocEditor\7e06e9e0-87d5-4e01-b0db-272feb251bf6\document.files\image001.jpg

КЫРГЫЗ РЕСПУБЛИКАСЫНЫН МЫЙЗАМЫ

2019-жылдын 8-июлу № 79

Кыргыз Республикасынын Салык кодексине өзгөртүүлөрдү киргизүү жөнүндө

 

2019-жылдын 30-майында

Кыргыз Республикасынын

Жогорку Кеңеши тарабынан

кабыл алынган

1-берене.

Кыргыз Республикасынын Салык кодексине (Кыргыз Республикасынын Жогорку Кеңешинин Жарчысы, 2008-ж., № 8, 922-ст.) төмөнкүдөй өзгөртүүлөр киргизилсин:

1) 239-берене төмөнкүдөй мазмундагы 8-бөлүк менен толукталсын:

"8. Салык төлөөчү тарабынан өндүрүлгөн айыл чарба канаттуулары жана балыктар, айыл чарба канаттууларын жана балыктарды көбөйтүү боюнча ишти жүзөгө ашырган айыл чарба өндүрүүчүсү үчүн тоюттарды беримдер КНСтен бошотулган беримдер болуп саналат.";

2) Кодекс төмөнкүдөй мазмундагы 281-1-берене менен толукталсын:

"281-1-берене. Айрым субъекттерге импортко КНСтин суммасынын ордун толтуруунун жана/же кайра кайтаруунун өзгөчөлүктөрү

1. Кыргыз Республикасынын Өкмөтү тарабынан бекитилүүчү ТНВЭДдин товардык позициялары боюнча өндүрүү үчүн чийки затты алып келүүдө төлөнүүчү импортко КНСтин суммасы төмөнкүлөргө бюджеттен орду толтурулууга жана/же кайра кайтарылууга тийиш:

1) айыл чарба канаттууларын жана балык өстүрүү боюнча ишти жүзөгө ашырган айыл чарба өндүрүүчүсүнө;

2) айыл чарба канаттууларын жана балык өстүрүү үчүн тоюттарды өндүрүү боюнча ишти жүзөгө ашырып жаткан салык төлөөчүгө.

2. Импортко КНСтин суммасын кайра кайтаруу ушул берененин 1-бөлүгүндө көрсөтүлгөн чийки затты салык төлөөчү иш жүзүндө пайдаланууну документ аркылуу тастыктаган шартта айыл чарба канаттууларын жана балык өстүрүү үчүн тоюттарды өндүрүү үчүн жүзөгө ашырылат.

3. Ушул беренеде каралган импортко КНСтин суммасын кайра кайтаруу тартиби жана шарттары Кыргыз Республикасынын Өкмөтү тарабынан белгиленет.".

2-берене.

Ушул Мыйзам расмий жарыяланган күндөн тартып он беш күн өткөндөн кийин күчүнө кирет.

"Эркин Тоо" газетасынын 2019-жылдын 12-июлундагы N 58 жарыяланды

Кыргыз Республикасынын Өкмөтү өзүнүн ченемдик укуктук актыларын ушул Мыйзамга ылайык келтирсин.

 

Кыргыз Республикасынын

Президенти

С. Жээнбеков