Система Orphus
RTF Print OpenData
Документ Реквизиты Ссылающиеся документы
Редакция:      кыргызча  |  на русском

КЫРГЫЗ РЕСПУБЛИКАСЫНЫН МЫЙЗАМЫ

2011-жылдын 15-июлу № 109

 

"Кыргыз Республикасынын мамлекеттик жана муниципалдык кызматчыларынын штаттык санынын чеги
жөнүндө жана эмгегине акы төлөөнүн шарттары тууралуу" Кыргыз Республикасынын Мыйзамына
толуктоолорду жана өзгөртүүлөрдү киргизүү жөнүндө

 

1-берене.

 

"Кыргыз Республикасынын мамлекеттик жана муниципалдык кызматчыларынын штаттык санынын чеги жөнүндө жана эмгегине акы төлөөнүн шарттары тууралуу" Кыргыз Республикасынын Мыйзамына ("Эркин Тоо" гезити, 2011-жылдын 28-июну, № 50) төмөнкүдөй толуктоолор жана өзгөртүүлөр киргизилсин:

1. 2-берене "Аппаратынын" деген сөздөн кийин "жана Иш башкармалыгынын" деген сөздөр менен толукталсын, "Кыргыз Республикасынын Өкмөтү менен макулдашуу боюнча" деген сөздөр алып салынсын.

2. 3-беренеде:

биринчи абзацтагы "Мыйзам чыгаруу бийлик органдарынын кызмат адамдарынын" деген сөздөр "Кыргыз Республикасынын Жогорку Кеңешинин мамлекеттик кызмат адамдарынын" деген сөздөргө алмаштырылсын;

экинчи абзацтагы "жана Кыргыз Республикасынын Эсептөө палатасынын" деген сөздөр алып салынсын;

мамлекеттик тилдеги текстин экинчи абзацындагы "бюджет жана финансы маселелерин тейлеген Кыргыз Республикасынын Жогорку Кеңешинин тармактык комитети" деген сөздөр "Кыргыз Республикасынын Жогорку Кеңешинин тармактык комитеттери" деген сөздөргө алмаштырылсын.

3. 4-беренеде:

"Мамлекеттик бийлик органдарынын жогорку кызматтагы адамдарынын" деген сөздөр "Кыргыз Республикасынын Президентинин, Кыргыз Республикасынын Жогорку Кеңешинин Төрагасынын жана Кыргыз Республикасынын Премьер-министринин" деген сөздөргө алмаштырылсын;

берене төмөнкүдөй мазмундагы экинчи абзац менен толукталсын:

"Кыргыз Республикасынын Президентинин Иш башкармалыгынын жана Кыргыз Республикасынын Жогорку Кеңешинин Иш башкармалыгынын мамлекеттик кызматчыларынын жана башка категориядагы кызматкерлеринин эмгегине акы төлөөнүн шарттары, ошондой эле алардын өлчөмдөрү бирдей деңгээлде белгиленет.".

4. 5-беренедеги "Кыргыз Республикасынын Өкмөтү" деген сөздөр "Кыргыз Республикасынын Президенти, Кыргыз Республикасынын Жогорку Кеңеши жана Кыргыз Республикасынын Өкмөтү" деген сөздөргө алмаштырылсын.

5. 6-берененин биринчи абзацы төмөнкүдөй редакцияда баяндалсын:

"Ушул Мыйзам күчүнө кирген күндөн тартып бир ай өткөндөн кийин төмөндөгүлөр күчүн жоготту деп табылсын:".

 

2-берене.

 

Ушул Мыйзам расмий жарыяланган күндөн тартып күчүнө кирет.

 

Кыргыз Республикасынын

          Президенти

 

Р. Отунбаева