Система Orphus
RTF Print OpenData
Документ Реквизиты Ссылающиеся документы
Редакция:      кыргызча  |  на русском

Описание: Описание: Описание: Описание: C:\Users\user\AppData\Local\Temp\CdbDocEditor\f4b3cbd6-344f-412e-afb3-3e67a7a6de22\document.files\image001.jpg

КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2011-жылдын 21-январы ПЖ № 15

Айрым мамлекеттик органдарды Кыргыз Республикасынын Өкмөтүнүн карамагына өткөрүү маселеси жөнүндө

(КР Президентинин 2011-жылдын 5-августундагы ПЖ № 181,

2011-жылдын 20-октябрындагы ПЖ № 261,

2012-жылдын 20-январрындагы ПЖ № 9,

2012-жылдын 20-февралындагы ПЖ № 48

Жарлыктарынын редакцияларына ылайык)

Кыргыз Республикасынын Президентинин карамагында турган мамлекеттик органдардын укуктук абалын аныктоо максатында жана Кыргыз Республикасынын Конституциясынын 65-беренесине ылайык

ТОКТОМ КЫЛАМ:

1. Кыргыз Республикасынын Өкмөтүнүн карамагында турган органдар катары аныктоо менен төмөнкү мамлекеттик органдар Кыргыз Республикасынын Президентинин карамагынан чыгарылсын:

- Кыргыз Республикасынын финансылык чалгындоо мамлекеттик кызматы;

- Кыргыз Республикасынын интеллектуалдык менчик мамлекеттик кызматы;

- Кыргыз Республикасынын баңги заттарга контролдук кылуу боюнча мамлекеттик кызматы;

- Кыргыз Республикасынын финансылык полиция мамлекеттик кызматы;

- (алтынчы абзац КР Президентинин 2012-жылдын 20-январындагы ПЖ № 9 Жарлыгына ылайык күчүн жоготту)

- Кыргыз Республикасынын жергиликтүү өз алдынча башкаруу иштери боюнча Улуттук агенттиги;

- Кыргыз Республикасынын Улуттук аттестациялык комиссиясы;

- Кыргыз Республикасынын стратегиялык изилдөөлөр Улуттук институту;

- Кыргыз Республикасынын Социалдык фонду;

- Кыргыз Республикасында чакан жана орто энергетиканы өнүктүрүү боюнча долбоордун дирекциясы.

(КР Президентинин 2012-жылдын 20-январындагы ПЖ № 9, 2012-жылдын 20-февралындагы ПЖ № 48 Жарлыктарынын редакцияларына ылайык)

2. Төмөнкү мамлекеттик органдар Кыргыз Республикасынын Президентинин карамагында кала тургандыгы аныкталсын:

- Кыргыз Республикасынын Улуттук статистика комитети;

- Кыргыз Республикасынын Президентине караштуу мамлекеттик тил боюнча Улуттук комиссия;

- Кыргыз Республикасынын Мамлекеттик кадр кызматы;

- Кыргыз Республикасынын Президентине караштуу Башкаруу академиясы;

- Банктарды кайра уюштуруу жана карыздарды реструктуралаштыруу боюнча агенттиги (ДЕБРА);

- Кыргыз Республикасынын Депозиттерди коргоо боюнча агенттиги;

- Кыргыз Республикасынын Дин иштери боюнча мамлекеттик комиссиясы.

(КР Президентинин 2011-жылдын 5-августундагы ПЖ № 181, 2011-жылдын 20-октябрындагы ПЖ № 261, 2012-жылдын 20-январындагы ПЖ № 9 Жарлыктарынын редакцияларына ылайык)

3. Кыргыз Республикасынын Өкмөтү өз чечимдерин ушул Жарлыкка ылайык келтирсин.

4. Төмөнкүлөр күчүн жоготту деп табылсын:

- Кыргыз Республикасынын Президентинин 2007-жылдын 16-мартындагы № 96 "Кыргыз Республикасынын Өкмөтүнүн түзүмү жөнүндө" Кыргыз Республикасынын Мыйзамынын жоболорун жүзөгө ашыруу боюнча уюштуруу чаралары тууралу" Жарлыгы;

- Кыргыз Республикасынын Президентинин 2007-жылдын 29-мартындагы № 116 "Кыргыз Республикасынын Президентинин 2007-жылдын 16-мартындагы "Кыргыз Республикасынын Өкмөтүнүн түзүмү жөнүндө" Кыргыз Республикасынын Мыйзамынын жоболорун жүзөгө ашыруу боюнча уюштуруу чаралары тууралу" Жарлыгына өзгөртүү киргизүү жөнүндө" Жарлыгы;

- Кыргыз Республикасынын Президентинин 2009-жылдын 26-октябрындагы № 425 "Кыргыз Республикасынын Өкмөтүнүн түзүмүн бекитүү жөнүндө" Кыргыз Республикасынын Мыйзамын жүзөгө ашырууну камсыз кылуу боюнча чаралар тууралу" Жарлыгынын 1- жана 2-пункттары;

- Кыргыз Республикасынын Президентинин 2010-жылдын 12-июлундагы № 14 "Кыргыз Республикасынын Өкмөтүнүн түзүмү жана анын администрациялык ведомстволору жөнүндө" Жарлыгынын 1- жана 2-пункттары.

5. Бул жарлык расмий жарыяланган күндөн баштап күчүнө кирет.

 

Кыргыз Республикасынын

Президенти

 

 

Р. Отунбаева