Система Orphus
RTF Print OpenData
Документ Реквизиты Ссылающиеся документы
Редакция:      кыргызча  |  на русском

Описание: Описание: Описание: Описание: C:\Users\user\AppData\Local\Temp\CdbDocEditor\aa9f2318-d558-4f47-88ef-478c9b1d164f\document.files\image001.jpg

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2014-жылдын 17-июну № 340

Кыргыз Республикасынын Маданият, маалымат жана туризм министрлигинин алдындагы Маалымат жана массалык коммуникациялар департаменти жөнүндө

 (КР Өкмөтүнүн 2015-жылдын 7-декабры № 834, 2019-жылдын 27-августундагы № 430 токтомдорунун редакцияларына ылайык)

Кыргыз Республикасынын Маданият, маалымат жана туризм министрлигинин ишин өркүндөтүү максатында, Кыргыз Республикасынын Конституциясынын 90-беренесине жана «Кыргыз Республикасынын Өкмөтү жөнүндө» Кыргыз Республикасынын конституциялык Мыйзамынын 25-беренесине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Маданият, маалымат жана туризм министрлигинин алдында Маалымат жана массалык коммуникациялар департаменти түзүлсүн.

2. Төмөнкүлөр бекитилсин:

- Кыргыз Республикасынын Маданият, маалымат жана туризм министрлигинин алдындагы Маалымат жана массалык коммуникациялар департаменти жөнүндө жобо 1-тиркемеге ылайык;

- Кыргыз Республикасынын Маданият, маалымат жана туризм министрлигинин алдындагы Маалымат жана массалык коммуникациялар департаментинин башкаруу схемасы 2-тиркемеге ылайык.

(КР Ѳкмѳтγнγн 2015-жылдын 7-декабры № 834 токтомдун редакциясына ылайык)

3. Кыргыз Республикасынын Өкмөтүнүн 2011-жылдын 22- августундагы № 473 «Кыргыз Республикасынын министрликтеринин, администрациялык ведомстволорунун жана башка мамлекеттик органдарынын штаттык санынын чеги жөнүндө» токтомуна төмөндөгүдөй өзгөртүүлөр киргизилсин:

Жогоруда аталган токтомдун 1-тиркемесинде:

- 12-пункттагы «54», «22» жана «104» деген цифралар тиешелүү түрдө «45», «33» жана «102» деген цифраларга алмаштырылсын.

4. (КР Ѳкмѳтγнγн 2015-жылдын 7-декабры № 834 токтомуна ылайык кγчγн жоготту)

5. Кыргыз Республикасынын Өкмөтүнүн 2013-жылдын 3-майындагы № 236 «Кыргыз Республикасынын Маданият, маалымат жана туризм министрлигинин маселелери жөнүндө» токтомуна төмөндөгүдөй толуктоо киргизилсин:

Жогоруда аталган токтом менен бекитилген Кыргыз Республикасынын Маданият, маалымат жана туризм министрлигинин башкаруу схемасы төмөнкү мазмундагы позиция менен толукталсын:

«Маалымат жана массалык коммуникациялар департаменти».

6. Кыргыз Республикасынын Финансы министрлиги:

- Кыргыз Республикасынын Маданият, маалымат жана туризм министрлигинин алдындагы Маалымат жана массалык коммуникациялар департаментин каржылоого республикалык бюджетте зарыл болгон финансылык каражат карасын;

- «Кыргыз Республикасынын 2014-жылга республикалык бюджети жана 2015 -2016 - жылдарга болжолу жөнүндө» Кыргыз Республикасынын Мыйзамына өзгөртүүлөрдү жана толуктоолорду киргизүүдө аталган финансы каражаттарын карасын.

7. Кыргыз Республикасынын Премьер-министринин 2012-жылдын 30-августундагы № 630 буйругу күчүн жоготту деп табылсын.

8. Бул токтом расмий жарыяланган күндөн тартып күчүнө кирет.

9. Бул токтомдун аткарылышын контролдоо Кыргыз Республикасынын Өкмөтүнүн Аппаратынын маалыматтык камсыздоо бөлүмүнө жүктөлсүн.

 

Премьер-министр

Дж.К. Оторбаев

 

2-тиркеме

Кыргыз Республикасынын Маданият, маалымат жана туризм министрлигинин алдындагы Маалымат жана массалык коммуникациялар департаментинин
БАШКАРУУ СХЕМАСЫ

(КР Өкмөтүнүн 2019-жылдын 27-августундагы № 430 токтомунун редакциясына ылайык)

Описание: g_rt430_270819.png